Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 22r

Llyfr Blegywryd

22r

a|e vrodyr. a|e whioryd. a|r dỽy rann ar|y|ge+
nedyl. Y|rann gynntaf a rennir yn|teir
rann. vn ar|y llourud e|hun. a|r dỽy ar|y
tat. a|e vam. a|e vrodyr. a|e whioryd. ac
o|r gỽyr hynny kymeint a|tal pob vn a|e
gylid. ac velly o|r gỽraged. eithyr na|th+
al vn wreic namyn kymeint a|hanner
rann gỽr. Y|rann gyntaf honn a|telir y
tat. a|e vam. a|brodyr. a|ỽhioryd y|neb a
ladher. a|e sarhaet velly. Cany ledir neb
heb y|sarhau. Y|dỽy rann a|dottet o|r dech  ̷+
reu ar genedyl. y|llouruda|rennir yn|teir rann.
y|dỽy rann ar genedyl y|tat. a|r|tryded
artryded ar genedyl y|vam. Y|kyuryỽ ge+
reint a|talhỽynt alanas ygyt a|r|llour+
ud; y|keffylybyon o|bleit y|dyn a ladher
a|erbynnyant o|r gerengaỽ* hyt y|gorch+
aỽ. Ual hynn ydd|enỽir achoed kened+
yl a|dylyỽynt talu galanas neu gym+
ryt tal. Kynntaf ach o|r|naỽ yỽ; tat.
a|mam. y llourud. neu y lladedic. Eil yỽ;
hentat. trydyd yỽ gorhentat. Petỽer+
yd yỽ; brodyr. a|ỽhioryd. Pymet yỽ;
keuenderỽ. whechet yỽ; kyferdyrỽ.
Seithuet yỽ; kyfnyeint. wythuet yỽ;
gorchefnyeint. Naỽuet yỽ; gorchaỽon.