Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 21v

Llyfr Blegywryd

21v

a|llỽ deucanhỽr y wadu llourudyaeth. Dr+
os pob vn o|r tri diỽethaf y|telir. tri naỽ
vgeint aryant. a|llỽ trychanỽr y wadu
llourudyaeth o|r gouynnir. Py|bynn  ̷+
ac a|watto llourudyaeth a|e haffeitheu
yn hollaul; llỽ degỽyr a|deugeint a|dyry.
a|reith y|wlat yỽ honno. a|diỽat coet
a|maes y|gelỽir. ac yn gyffelyp y|hynny
pỽy|bynnac a|ỽatto llourudyaeth ar w+
ahan y|ỽrth yr affeitheu. neu vn affeith
heb amgen; llỽ degỽyr a|deugeint a|dyry.
ac val hynny y|mae am losc. ac am let  ̷+
rat. ac eu haffeitheu. o|r y|lloscir a|holir
y|treis. neu o|letrat. ac o|r lloscir dyn yn|y
tan hỽnnỽ tri dyn diouredaỽc a|dylyant
vot yn|y reith honno. Py|bynnac a
adefuo galanas. ef a|e genedyl a|e talh  ̷ ̷+
ant yn gỽbyl gỽerth sarhaet a|gala+
nas y|dyn a|ladher. ac yn gyntaf y|tal
y llofrud gỽerth sarhaet y|dyn. y|r|tat.
a|r vam. a|r brodyr. a whioryd. ac os gỽ+
reicaỽc vyd; y wreic a|geiff y|gan y|rei
hynny trayan gỽerth sarhaet y|gỽr.
Gerth dyn a|ladher yn|teir rann y|ren+
nir ar yr rei a|e|talho. Y|rann gynntaf
a|dysgyn ar|y llourud a|e tat. a|e vam