Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 21r

Llyfr Blegywryd

21r

ret hynn. a·ffeith yỽ; vrth lad. neu losc. neu
letrat. ac vrth hynny y|tri naỽ affeith; a+
chwysonn ynt trỽy y|gỽneir y|gỽeithre+
doed hynn trỽy gyttsynnyaỽ. ac vrth hy+
ynny kyttsynnyaỽ yỽ yr a·ffeitheu. trỽy
olỽc. Ereill trỽy eireu. ereill trỽy weithre+
doed. Megys llygattrudyaeth. neu tauot+
rudyaeth. neu weithret a|uo llei no|r mỽy+
haf. Sef yỽ hỽnnỽ colofyn kyureith. 
K Ynntaf affeith yỽ; Menegi y|r lloff+
urud y|lle y|bo y|dyn a|vynnei ef y
lad. Eil yỽ; Rodi kyghor y|lad|y|dyn.
Trydyd yỽ; Disgỽyl brat ar|y|dyn.
Petỽeryd yỽ; Dangos y|dyn y|r lloffrud
a vynnei y lad. Pymhet yỽ; Mynet yg
ketymdeithas y|llourud pan el y lad|y|dyn.
Whechet yỽ; dyuot ygyt a|r lloffrud y|r
tref y|bo y|dyn a|ladher yndi. Seithuet
yỽ; kymhorth y|llourud o|lad y|dyn. Wy+
thuet yỽ; arhỽydaỽ y|dyn hynny* del y
dyn a|e lladho. Naỽuet yỽ; edrych ar lad
dyn gan y|odef. Dros bop vn o|r tri kyn  ̷+
taf o|r affeitheu ot adefuir; naỽ vgeint
aryant a|telir. a callỽ canhỽr y|wadu
gellỽg gỽaet o|r gofynnir. Dros bop vn
o|r eil tri; deu naỽ vgeint aryant a|telir