Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 19v

Llyfr Blegywryd

19v

heu beth vo ae|gỽir. ae geu. O teir fford y|dos+
berthir braỽt gygaỽs; kynntaf yỽ; trỽy o  ̷+
def. cannys godef a|tyrr pob kygaỽs. Os bra+
ỽdỽr a odef gỽystyl yn erbyn y|varnn yn
tagneuedus heb rodi gỽrthwystyl yna. dy+
gỽydedic vyd y|varnn. Eil yỽ; braỽdlyfyr
rỽg deu|ỽystyl. Sef yỽ hynny. gỽystyl a  ̷
rother yn erbyn barnn. a gỽystyl arall a  ̷
rother y·gyt a|r|varnn honno. Tryded yỽ;
braỽdỽr bieu dosparth yrỽg deudyn yg|ky+
gaỽs am|y|varnn. a|rodassei vdunt heb
ymỽystlaỽ. TRi ryỽ vanac yssyd; ac am
bop vn ohonunt y gossodir reith gỽlat
ar|dyn am letrat; vn yỽ; dyuot y|colle  ̷+
dic a|managỽr y·gyt ac ef. a|thygu yn er+
byn arall clybot. a|gỽybot arnaỽ y|lletrat.
Eil yỽ; tygu o|r managỽr gỽelet a gỽyb+
ot arnaỽ y lletrat. a hỽnnỽ a|elỽir lliỽ.
Trydyd yỽ; lludyaỽ rac dyn keissaỽ dyn
y|da a gollasei yn|y lle y|typpei y|vot. Ny|dy+
ly neb rodi reith gỽlat am letrat. heb
vn o|r manageu hynny yn|y erbyn onyt
pallu a|wna y o|lỽ gỽeilyd y|r colledic. O|r pa+
lla; nyt reit reith gỽlat arnaỽ vanac
namyn hynny y|gymell reith gỽlat y| ̷+
antaỽ. O|r diỽedir haỽl adefuedic o|amry+