Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 18r

Llyfr Blegywryd

18r

a|rann yt y|tayogeu ffoaduryonn. a|e mar+
ỽtei yrỽg y|brenhin y|maer. a|r kygkellaỽr. Ynteu a|g+
eiff yr yscub a|vo dros benn ỽrth rann. Rig+
hill a|geiff o|r marỽtei y|mehin bỽlch.
a|r emenyn bỽlch. a|r maen issaf o|r|vreu+
an. a|r dulin oll. ac o|r yt y|do nessaf y|r lla+
ỽr. ac o|r byd yr yt heb vedi. ef a|geiff
y|talareu oll. a|r ieir. a|r catheu. a|r bỽyll.
Ea geiff torth. a|e hennllynn ym|pob ty
y|del ar|negesseu y|brenhin. Gỽayỽ righ+
ill ny byd hỽy no their llath rac|y|argan+
vot pan del y wyssyaỽ. Ny byd tennllif
ynn|y laỽdyr. O|r anreith y bo y brenhin
vrth y|dỽynn y|righill a geiff y|tarỽ. ac
onny byd tarỽ ef a|geiff ych ieuanc
tec nyt el dan wed eiroet. neu gynffl+
ith. Pan vo marỽ righill; yn trugared
yr arglỽyd y byd y eidaỽ. Pan anreith+
er y|pennkynyd o|e gam. Y|righill a|e han+
reitha. O|r sarhaeir yr righill o|e eisted
yn dadleu y|brenhin. ny cheiff onnyt go+
greit hilkeirch. a|chỽccỽy ỽy yn|tal y sa+
rhaet. kanny dyly eisted tra wnelher
dadleu y brenhin. O|wys a|ỽnnel rig+
hill credadỽy vyd y eireu. Gỽys righill
a|thystonn a|d·ỽynn ynn|y lle gan tystu