Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 15v

Llyfr Blegywryd

15v

a|cheinnaỽc a|geiff ynteu o|bop vn. O|r llud
y|porthaỽr. neu y|dryssaỽr y|neuad. vn o|r sỽydo+
gyon y|vrth y drỽs gann|adnabot. camlỽrỽ
deudyblyc a|tal y|r brenhin. a|phedeir keinn+
aỽc kyureith y|r sỽydaỽc. ac os vn o|r sỽyd+
ogyon arbennic vyd hỽnnỽ. talet yn|deudy+
blyc idaỽ. Y|tir a|geiff yn ryd. a|rann o|ar  ̷+
yant y|gỽastrodyon. Y|verch a|vyd vn vre  ̷+
int a|merch y bard teulu. Y|ebediỽ vyd wh  ̷ ̷+
eugeint. Guastraỽt auỽyn. galannas
a sarhaet ysyd idaỽ mal y|dyỽetpỽyt
vry. Ea|dyly peri y|r brenhin y|varch. a|e
arueu yn baraỽt pan y|mynno. ac a|deila
pan ysgynno. a|phan disgynno. ac a|e dỽc
o|e lety. O|r ebolyon anrec rann gỽr a|geif.
Y|verch vn vreint vyd a|merch y bard teulv.
Y|ebediỽ vyd wheugeint. Naud dryssaỽr neu+
ad ystauell yỽ hebrỽg y|dyn hyt at y|por  ̷ ̷+
thaỽr. Y|sarhaet. a|e alannas. a|vydant
megys dryssaur neuad. Y|tir a|geiff yn ryd.
a|e varch yn wastat y gan y brenhin. Sỽy+
dogyon a|allant yn ryd mynet y|r neuad.
ac y|r ystauell. ac y|r gegin. O|bop anreith
a|del y|r porth; y|porthaỽr a geiff y|llỽdyn
diỽethaf. Ea|geiff pedeir keinnaỽc o| ̷+
op carcharaur a garcharer trỽy vn nos.