Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 15r

Llyfr Blegywryd

15r

a gan bardoni y·gyt a|theulu y|brenhin vrth
dỽyn anreith. Y|llỽdyn goreu o|r|anreith a  ̷ ̷
geiff. ac o|r byd darpar ymlad arnunt
canet y canu a elỽir vnbeinyaeth prydein
racdunt. Pan el bard teulu yn|y sỽyd y|ke  ̷+
iff telyn y gan ye|brenhin. a|modrỽy eur
y|gan y|vrenhines. a|r telyn ny|s gat y|ỽrth+
aỽ vyth. Gobyr y|verch yỽ; wheugeint.
Y|choỽyll yỽ; punt a|hanner. Y|heguedi;
teir punt. Ebediỽ bard teulu yỽ; punt.
Rann gỽr a geiff mal pob teuluỽr. a|chan  ̷+
ys penkerd a|dechreu pob kerd; yn nessaf
y|r penteulu y|dyly eisted. O|r pan el y|bren+
hin y|r neuad hyt pan el paub o|e lety. ny
dyly drỽyssaỽr mynet y|ỽrth y drỽs moy no
hyt y|vreich a|e ỽialen. ac o|cheffir yn|bell  ̷ ̷+
ach no hynny. a|e sarhau. ny diỽygir dim
idaỽ. llestyr a|uyd idaỽ yn|y neuad y|dodi y ỽi  ̷+
raỽt. Distein. a|r guallofyeit oll ygyt ac
ef yn|y teir gỽyl arbennic. a ofỽyant y|dry+
ssaỽr o|dodi y|wiraỽt yn|y llestyr. o|r kyrrnn.
a|r|meileu. Ef a|geiff corneit y gan y bren  ̷+
hin. ac arall y gan y vrenhines. a|r|tryd+
yd y gan y|pengỽastraỽt o|ỽiraỽt yr ebestyl.
pan rodher. Crỽyn y gỽarthec a ladher
yn|y gegin. ea|e keidỽ|hyt pan ranner.