Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 10r

Llyfr Blegywryd

10r

gyd; ny dyly maer na|chyghellaỽr dỽyn
anreith. namyn y|teulu. a|r righill. Ef
a|dyly callon pob llỽdyn o|a|ladher yn|y
llys. Vn vreint vyd y|verch a|merchet
y|sỽydogyonn kynntaf. Y ebediỽ vyd pu+
nt a|hanner. O|r byd marỽ march hebog+
yd o|lauur y·danaỽ yn|y hebogydyaeth. ar+
all a|geiff y gann y|brenhin. Y|varch a|geif
o|r ebrann kym·eint a|rann deu varch ereill.
Ea|geiff yr hebogeu goreu oll. a|r nythot
oll a|gaffer yn tir llys y|brenhin. ancỽyn
a|geiff ynn|y lety. Seyc. a|thri a |chornneit o|lyn.
O|r pan dotto yr hebogyd y hebogeu ynn|y
mut. hyt pan y|tynno o|r mut. ny|chymh+
ellir y|ỽrtheb o|vn dadyl. kylch vn ỽeith y  ̷+
n|y vlỽydyn a geiff ar|vilaeineit y|brenhin.
a|phedeir keinnaỽc kyureith o|bop tayaỽc+
tref. neu dauat hesp yn vỽyt y|r hebogeu.
Y|tir a|geiff yn ryd. a|e|varch y|gan y|brenh  ̷+
in. a|phob tauot hyd a|dyccer y|ben y|r|brenhin.
B Rawdỽr llys a|dyly rann gỽr o|ary+
ant daeredeu. Ea|dyry pob braỽt
a berthynno y|r llys. ac a|dengys
kyureitheu a breinheu holl sỽydogyon llys.
Ea|geiff pedeir. ar|hugeint y|gan pob vn
pan dangosso y|gyureith a|e|vreint idaỽ.