Breudwd Rhyddiaith Gymraeg 1300-1425
English

LlB Llsgr. Cotton Cleopatra B V rhan ii – tudalen 199r

Llyfr Cyfnerth

199r

Gwys y|ringhyll gan tystyon a|tharaw y|post
teir|gweith. Ny ellir diwad y|gwys honno.
Pan diwatter hagen yn erbyn y gwys y
ringhill. llw y nep a|wysser ar|y drydit o|wyr.
vn ureint ac ef y|diwad y|gwys.
GOf llys bieỽ penneỽ y|gwarthec. ac eỽ
traed o|r llys eithyr eỽ tauodeỽ bieỽ
yr ygnad llys. a|llenwi lle y|tauodeỽ yr gof
a|hynny o|ran y|brenhin o ỽordwydyt y|gwar+
thec. Y ymborth ef a|e was. a daw o|r llys. Yn
rad y|gwna ynteỽ gweith y|llys oll. eithyr
tri gweith. Callawr. ac gwaew. a|bwyall
lydan. Ef bieỽ keinon. yny gwyllyeỽ ar+
bennic. Gof llys bieỽ. or iiii. keinhyawc o|bop
karcharawr. y|dotto heyrn arnaw. Y|tir yn
ryd a|geiff. Gwirawd gyfureithyawl a|geif
o|r llys. nyd amgen. no lloneid y llestri oll. y
gwallouer. ac wy yn|y llys o|r cwryf. Ac eỽ
hanner o|r bragawd. Ac eỽ trayan o|r med
Ar y|trydid y|keiff y|messur hwnnw o|r llynn.