Breudwd Rhyddiaith Gymraeg 1300-1425
English

LlB Llsgr. Cotton Cleopatra B V rhan ii – tudalen 180r

Llyfr Cyfnerth

180r

nad llys. Breint llys a|ỽyd yno. Yn absen y
brenhin. Pan ỽynho y|brenhin kerd. Caned
y|penkerd deu ganỽ. Vn o|r duw ac arall o|r
pennaetheỽ. Pan ỽynho y ỽrenhines kerd
yn yr ystauell. Caned y|bard teulỽ teir awdyl
o|gamlan yn disson rac terỽysc ar y teulỽ.
KEneỽ gellgi brenhin tra vo caead y lyg+
eid. Pedeir ar hỽgeint a|tal. Yn|y gin+
llust. Vn ar|bymthec ar|hỽgeint a|tal. Y|nos
er hely. hanner pỽnt a|tal. Pan ỽo kyfrwys
Pỽnt a|tal. Milgi brenhin hanner pỽnt.
a|tal. ỽnwerth gellgi brehyr a|milgi brenhin
yw Ba|ryw|bynnac vo. keneỽ tayawc o|r dechreỽ
hyd diwed.iiii. keinyauc cotta a|tal. Costauc
kyd boed y brenhin bieuffo ny|thal namyn
iiii.keinyauc cotta. O|byd bugeil ki hagen
eidyon kyhyd y|gorn a|e yscyỽarn a|tal. Od am+
heuir y|ỽod ỽelly. tynghed y|perchennauc a|ch+
ymydauc vch drws. ac arall is drws y|ỽyned
ymlaen yr ysgrybyl y|bore. A|chadw yr olyeid y