Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 99r

Llyfr Cyfnerth

99r

ym perth. Eil yỽ kymryt o yscolheic wreic
o rod kenedyl. A chaffel mab o·heni. Ody  ̷+
na kymryt or yscolheic urdeu effeiradaeth.
Ac odyna kaffel mab or effeirat or wreic
gynt. ny dyly y mab a gaffat kyn noc ef
kyfranu tir a| hỽnnỽ. kanys yn erbyn ded+
yf y kahat. Trydyd yỽ mut. kany dyly tir
nyt attepo drostaỽ. kany rodir gulat y uut.
TRi dyn a| gynyd eu breint yn vn dyd.
tayaỽctref y kysseccrer eglỽys yndi
o ganhyat y| brenhin. dyn or tref honno
a| uei y bore yn| tayaỽc. y nos honno a| uyd
gỽr ryd. Eil yỽ dyn a| rotho y brenhin vn
or pedeir sỽyd ar| hugeint breinhaỽl idaỽ.
kyn rodi y sỽyd idaỽ yn tayaỽc. A guedy
y rodi yn ỽr ryd. Trydyd yỽ yscolheic y dyd
y kaffo corun. y bore yn uab tayaỽc. Ar
nos honno yn ỽr ryd.
TRi guerth kyfreith beichogi gureic.
Vn yỽ guaet kyn delwat ỽyth a| de  ̷+
ugeint a| tal. Eil yỽ kyn mynet eneit yn+
daỽ