Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 91v

Llyfr Cyfnerth

91v

Kaỽc pren keinhaỽc cota a| tal. Kenllyuan
olreat ỽyth geinhaỽc kyfreith a| tal.
Torch milgi brenhin ỽyth geinhaỽc kyf+
reith a| tal. Torch milgi breyr pedeir ke  ̷+
inhaỽc kyfreith a| tal. Kynllyuan mil+
gi brenhin. pedeir keinhaỽc kyfreith a
tal. Kynllyuan milgi breyr dỽy gein  ̷+
haỽc kyfreith a| tal. Offer gof wheuge  ̷+
int a| tal. Gradell ỽyth geinhaỽc kyfre  ̷+
ith a| tal. Guerth amrant dyn hyt y bo
y bleỽ. keinhaỽc kyfreith a| tal. Or tyr
dim oheni guerth creith o·gyuarch a telir.
Gre gyfreithaỽl dec cassec a deugeint.
Preid warthec gyfreithaỽl. pedeir bu ar
hugeint. Nyt teruyn prif auon engir  ̷+
yaỽl rỽg deu gymhỽt onyt yn| y hen
gerhynt.
Kyfreith yỽ y priodaỽr tir kychwyn+
nu ampriodaỽr tir oe weresgyn.
Ac ny chywhyn ampriodaỽr tir prioda  ̷+
ỽr oe weresgyn. Tri argae teruyn yssyd