Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 91r

Llyfr Cyfnerth

91r

neb. Kyneuaỽt a| lad kyfreith ac yna ny
chetwir. Pop adeilỽr maestir a| dyly caffel
tri phren y gan y neb bieiffo y coet mynho
na uynho y coetỽr. neu pren a dỽy nen+
forch. Pỽy bynhac a| uo goruodaỽc oet vn
dyd a blỽydyn a| dyly. Pỽy bynhac a| torho
kyuar a| wnel oe uod talet tri buhyn cam  ̷+
lỽrỽ yr brenhin ac yr kyfarỽr y ar·oll.
Y gueirglodeyeu a fforestir rac y moch pop
amser yn| y ulỽydyn canys llygru y tir a
wnant. pỽy bynhac ac eu kaffo ar y weir+
glaỽd kymeret pedeir keinhaỽc kyfreith
y gan perchenaỽc y moch.
KJst ỽyth geinhaỽc kyfreith a| tal. Ke+
rỽyn ystyllaỽt pedeir keinhaỽc kyf+
reith a|tal. Raf uleỽ keinhac* kyfreith a
tal. Raf lỽyf keinhaỽc cota a| tal. Kelỽrn
a| mennei keinhaỽc kyfreith a tal pop vn.
Kyfrỽy eurgalch. pedeir ar hugeint a| tal.
Kyfrỽy lliỽ y pren deudec keinhaỽc a| tal.
Nyth cam min pedeir keinhaỽc kyfreith
a| tal