Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 89r

Llyfr Cyfnerth

89r

ae kỽbyl y llyssyant. Y neb a lysso tyst
kyn dỽyn y tystolyaeth collet y dadyl. Or
diwat gỽr o neb llu llad kelein. talet whe  ̷+
ugeint a rodet lỽ deg wyr a deugeint vn
vreint ac ef y diwat llofrudyaeth. Pỽy
bynhac a sarhaho y gilyd o werin y pete  ̷+
ir gulat. hyn. Nyt amgen deheubarth
gỽyned. powys. lloegyr. talet pedeir bu
a phetwar ugeint aryant. idaỽ. Pỽy byn  ̷+
hac a talho galanas y gilyd. teir bu ath*
tri ugein mu heb ychwhanec a| tal. Y neb
a gaffo hỽch coet marỽ ar tir dyn arall. ky  ̷+
meret ef y wharthaỽr blaen  oho  ̷+
naỽ. Bỽystuil arall a uo iaỽn yssu y gic.
y wharthaỽr y ol a geffir. Os kadno neu
lỽdyn arall anhyys keinhaỽc cota a geiff
y gan perchennaỽc y tir or myn ynteu
y croeN.
DEudyblyc uydant dirỽy a chamlỽrỽ
llys a| llan. Os yn| y uynwent y guneir
y cam yn| y nodua. Seith punt yỽ meint
y dirỽy.