Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 86r

Llyfr Cyfnerth

86r

Pal ac ystỽc helyc a dysgyl lydan a| ridyll
keinhaỽc cỽta a|tal pop vn. Bayol yỽ a|mit
a| budei ystyllaỽt a budei ren a noe a fiol lyn
a nithlen a phadell troedaỽc pedeir keinhaỽc
kyfreith a| tal pop vn. Turnen a lletuet
a whynglo fyrllig a| tal pop vn. Keubal
pedeir ar| hugeint a| tal. Rỽyt ehogyn 
 vn ar pymthec a| tal. Rỽyt penllỽyt  ̷+
eit deudec keinhaỽc a| tal. Ballegrỽyt pe  ̷+
deir geinhaỽc kyfreith a| tal. Corỽc ỽyth
geinhaỽc kyfreith a tal. Pỽy bynhac a dot  ̷+
to rỽyt y myỽn auon ar tir dyn arall heb
y ganhat trayan y pyscaỽt a geiff ef a deuparth
a geiff perchenaỽc  . yr auon.
E Neb a| torho aradyr ar tir dyn arall.
talet idaỽ aradyr newyd ac aradỽy
naỽ diwarnaỽt. Guerth aradyr 
dỽy geinhaỽc gyfreith a| tal. Guerth aradỽy
vn dyd dỽy geinhaỽc kyfreith a| tal. Guerth
yr hirieu ae phistlon. keinhaỽc kyfreith.
Ual hyn y daỽ y llogeu. llog yr amaeth