Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 85v

Llyfr Cyfnerth

85v

Telyn breyr trugeint a| tal. Y chyweirgorn
deudec keinhaỽc a| tal. Bryccan breyr tru  ̷+
geint a| tal. Gobennyd tyle vgeint a| tal.
Taỽlbort o asgỽrn moruil trugeint a| tal.
Taỽlbort o asgỽrn arall dec ar| hugein a| tal.
Taỽlbort o uan hyd pedeir ar| hugeint a| tal.
Taỽlbort o uan eidon deudec keinhaỽc a| tal.
Taỽlbort pren pedeir| keinhaỽc keureith
a| tal. Bỽyell lydan pedeir keinhaỽc kyfre+
ith a| tal. Bỽyell gynut dỽy geinhaỽc gyf+
reith a tal. Llaỽ·uỽell keinhaỽc kyfreith
a tal. Taradyr maỽr. dỽy geinhaỽc kyf  ̷+
reith a| tal. Perued taradyr keinhaỽc
kyfreith a| tal. Ebill taradyr a|raskyl a
serr. a chaboluaen. dimei a| tal pop vn.
Cỽlltyr pedeir keinhaỽc kyfreith a| tal.
Nedyf a| gylyf a cheip a chryman a guelleu
a chrip a gỽdyf a billỽc a bayol helyc a bay  ̷+
ol guen mangylchaỽc a chlaỽr pobi a chic
dysgyl. a bayol helyc bryn. a gogyr kein  ̷+
haỽc kyfreith a| tal pop vn o·honunt.