Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 82v

Llyfr Cyfnerth

82v

wheugeint yỽ ebediỽ guassanaethỽr ar  ̷+
glỽyd. Whech a| petwar ugeint yỽ ebediỽ
tayaỽc. Or byd eglỽys ar y tir wheugeint
uyd y ebediỽ. Pedeir ar hugeint yỽ ebe  ̷+
diỽ gỽr ystauellaỽc. Deudec keinhaỽc
yỽ ebediỽ gureic ystauellaỽc. Ny thal
penkenedyl e| hunan y ebediỽ. kanys y
neb a| uo penkenedyl guedy ef ae tal.
Ny byd penkenedyl y mab guedy y tat.
yn nessaf idaỽ. kanys oes uodaỽc yỽ pen+
kynedlaeth. Gureic ỽryaỽc a ordiweth  ̷+
er y godineb y heguedi a gyll ac a dycco
o da y gan y chenedyl at y gỽr.
Or dywedir ar dyn guelet lletrat gan  ̷+
taỽ liỽ dyd goleu ac arall yn lliwaỽ
arnaỽ y welet. rodet y neb a enlliper llỽ
petwar guyr ar hugeint mal y del kyf  ̷+
niuer o pop kymhỽt or vn cantref ac
ny eill y lliwat dim yn| y erbyn. ar gyfreith honno a| elwir dygyn wat yn erbyn dogyn vanac
Llyma mal y dylyir lliwaỽ lletrat yn
gyfreithaỽl guelet y dyn or pan uo gol+