Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 81r

Llyfr Cyfnerth

81r

thi yn llaỽ pop vn y gymhell y tarỽ. Ac
or dichaỽn hi y attal y tarỽ. kymeret yn| y
hỽynebwerth ae diweirdeb. Ac onys dich+
aỽn kymeret a lynho ỽrth y dỽy laỽ or| gỽer.
Gureic a| ymrotho e| hunan yn llỽyn ac
ym perth y ỽr. Ae hadaỽ or gỽr hi. a gorder  ̷+
chu arall o·honaỽ ae dyuot hitheu yg
cỽyn at y chenedyl. ac yr dadleu. Os di  ̷+
wat a| wna y gỽr rodet y lỽ y gloch heb
tauaỽt yndi. Os diuỽyn a wna ynteu
talet geinhaỽc idi kyflet ae thin.
OR ymda gureic e| hunan a dyuot
gỽr idi a dỽyn treis arnei. os diwat
a| wna y gỽr rodet lỽ deg wyr a deugeint
A| thri o·honunt yn diouredaỽc na myn  ̷+
ho gureic. ac nat ysso kic. ac na march  ̷+
occo uyth. ony myn diwat. talet yr
wreic y guadaỽl. Ae dilystaỽt. Ae dirỽy.
a guyalen aryant yr brenhin yn| y wed
y dyly. Ac ony eill y gỽr talu dycker y
geilleu. Teir gueith y dyrcheif ar sar+