Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 79v

Llyfr Cyfnerth

79v

rut y neb ty. kymeret gỽr y ty uach ar y
gobyr yr arglỽyd. Ac onys kymer talet
e| hunan. Gobyr alltudes yỽ pedeir ar
hugeint. Y penkerd bieu gobreu mer  ̷+
chet y beird a| uỽynt y danaỽ. Ergyt
cryman yỽ naỽd caeth. Ergyt bỽyall
neu ỽdyf yỽ naỽd maer bisweil. Pede+
ir ar hugeint yỽ sarhaet guenidaỽl ca+
eth nyt el nac yn raỽ nac y|mreuan.
Or kytya gỽr gureigaỽc a gureic arall
talet wheugeint yr wreic gyfreithaỽl
yn| y hỽyneb·werth. Or yscar gỽr a gure  ̷+
ic kyn pen y seith mlyned. val hyn y
renir y|dootrefyn y·rydunt. Y gỽr bieu
a| uo or dillat guely y·rydaỽ ar llaỽr.
ar wreic bieu y teispan. Y gỽr bieu yr
yt. Ar wreic bieu y blaỽt paraỽt. Y gỽr
bieu y bryccan ar nithlen ar gobenyd
tyle. Ar cỽlltyr ar uỽyall gynut ar
llaỽ·uỽyall. Ar crymaneu oll namyn
vn cryman. Y wreic bieu y uỽyall ly  ̷+