Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 77v

Llyfr Cyfnerth

77v

kalan gayaf y byd agoret kyfreith am tir
hyt naỽuetdyd whefraỽr. O naỽuetdyd
whefraỽr y byd kayat kyfreith hyt naỽ+
uet·dyd mei. O naỽuetdyd mei y byd a+
goret kyfreith hyt naỽuetdyd guedy
aỽst. O naỽuet·dyd guedy aỽst y byd kay+
et kyfreith hyt naỽuetdyd guedy kalan
gayaf. Sef achaỽs y mae kayat kyfreith
y guanhỽyn ar kynhayaf. o achaỽs diwhy+
llyaỽ y dayar yn|y deu amser hynny. Sef
achaỽs y mae. naỽ·uet·dydeu gan pop tym  ̷+
hor. rac kyfreith yn vn dydyaỽc.
SEith punt yỽ gobyr merch brenhin.
Ac yr uam y telir. Y gỽr a| tal y chowyll
kanys tir a| telir idi. Pedeir punt ar huge+
int uyd y heguedi. Or| a merch breyr gan
ỽr yn llathrut heb rod kenedyl pan atter
Sef uyd y heguedi whech eidon kyhyt eu
kyrn ac eu hysgyfarn. Tri eidon kyuoet
ar rei hynny a telir y uerch tayaỽc. Or ky+
mer gỽr wreic o rod kenedyl. Ae hadaỽ