Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 75v

Llyfr Cyfnerth

75v

dehol y talaỽdyr ae o alanas ae o ledrat ae o
aghyfreith arall. a mynu or haỽlỽr y da
y| gan y uach. Sef a wyl kyfreith yna ran+
nu y collet yn deu hanher y·rydunt nyt
amgen talu or mach hanher y da yr ha*+
lỽr. kanys aghyfreith yỽ talu or mach
gỽbyl ac ynteu yn wiryon. Ac nat tegach
colli or haỽlỽr o gỽbyl a  chredu 
o·honaỽ ynteu y uach. A llyna y trydyd
lle y ran kyfreith. Ac or da y talaỽdyr yr
wlat dracheuyn ỽynteu a dylyant kym  ̷+
hell y da hỽnnỽ arnaỽ ef. A hanher a dy+
ly y mach a llyna yr  lle y byd kymhe+
llỽr y mach ar da idaỽ e| hun. Or| byd ma+
rỽ mach dyn kyn talu y uechniaeth ac
adaỽ mab ohonaỽ y mab hỽnnỽ a| dy+
ly seuyll yn lle y tat yn| y uechni. O der  ̷+
uyd y dyn rodi da y arall a| mach arnaỽ. a
phan delher y ouyn diwat or talaỽdyr.
A chỽynaỽ or haỽlỽr ỽrth yr arglỽyd.
Jaỽn yỽ dỽyn y| dỽy pleit y gyt ar mach.