Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 75r

Llyfr Cyfnerth

75r

guyn. nyt amgen o nos nadolyc guedy
gosper hyt duỽ kalan guedy efferen. O
nos sadỽrn pasc guedy datỽyrein. hyt duỽ
pasc bychan guedy efferen. O nos sadỽrn
sulguyn guedy gosper hyt duỽ sul y trin  ̷+
daỽt guedy efferen. kanys ny dyly neb go+
uyn y gilyd yn| y diewed hyny. Ny dyly
neb kymryt mab yn uach heb ganhyat y
tat tra dylyo uot drostaỽ. Na manach na
braỽt heb ganhyat eu habat. Nac alldut
canyt geir y eir ar gymro. Na gureic o+
nyt ar yr hyn y medho y harglỽydiaeth
arnaỽ. Y rei hynny nyt mechniaeth eu
mechni onyt gan ganhyat eu harglỽydi.
Ny dyly neb kymryt mach kynnogyn.
kanys deu ardelỽ ynt. Ac na dyly neb
namyn dewis y ardelỽ. os mechni a dewis
nyt oes gynnogyn. os kynnogyn a| dewis.
nyt oes uach. Ac ỽrth hynny ny eill neb
seuyll yn uach ac yn| gynnogyn. Or kym+
er dyn mach ar da. A chyn dyuot oet y da.