Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 71r

Llyfr Cyfnerth

71r

Teithi pop ederyn benyỽ yỽ dotwi a|gori.
BOned guenyn o paradỽys pan yỽ. ac
o achaỽs pechaỽt dyn y doethant o+
dyno. Ac y dodes duỽ rat arnunt. Ac ỽrth
hynny ny ellir canu efferen heb y cỽyr.
Modrydaf guenyn pedeir ar| hugeint a| tal.
Kynteit. vn ar pymthec a| tal. Eil heit.
deudec keinhaỽc a tal. Tryded heit ỽyth
geinhaỽc a| tal. Modrydaf guedy el y
gynteit o·heni. vgeint a| tal. Guedy el yr
eil heit o·heni. vn ar pymthec a| tal. Gue+
dy el y tryded heit o·heni. deudec keinhaỽc
a| tal. Ny thal neb heit namyn pedeir ke+
inhaỽc. hyny uo teir nos a thri dieu ar
hed ac yn wastat. dyd y geissaỽ lle y uu+
daỽ. Ar eil y uudaỽ. Ar trydyd y orffowys.
Y neb a gaffo heit ar tir dyn arall ar gag+
en. Pedeir keinhaỽc a dyly ef y| gan perch+
ennaỽc y tir or myn ynteu yr heit. Y neb
a gaffo bydaf ar tir dyn arall. keinhaỽc
kyfreith a geiff ef neu y cỽyr ar dewis