Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 70v

Llyfr Cyfnerth

70v

canys y neill mis y byd gỽryỽ ar llall yn ue  ̷+
nyỽ. Guerth ystalỽyn. march greỽys a
allo toi. a chassec reỽys oe ulaen. Ac arall
yn| y ol. Guerth tarỽ trefgord yỽ tarỽ ar  ̷+
all a allo llamu a buỽch oe ulaen ac arall
yn| y ol. Guerth baed kenuein. baed ar  ̷+
all a allo cleinaỽ a hỽch oe ulaen ac arall
yn| y ol. Bleid a| chadno ac amryualyon
ereill ny wnelhont eithyr drỽc ny wna  ̷+
ethpỽyt guerth kyfreithaỽl arnunt ryd
yỽ y paỽb eu llad. Guerth pop aniueil or
a ysser y gic eithyr y moch. deu parth y
guerth a uyd ar yr eneit ar trayan ar y
gorff.
TEithi gỽr yỽ gallu kyt a gureic a bot
yn gyuan y aelodeu oll. Teithi gure+
ic yỽ dyuot arỽyd etiued idi a bot yn gyf+
an y holl aelodeu. Teithi treis yỽ llef a| ch+
orn a|chỽyn. Teithi keilaỽc yỽ canu ach*
chỽcỽyaỽ. Teithi iar yỽ dodwi a|gori. Te+
ithi pop ederyn gỽryỽ yỽ canu a| chỽcỽyaỽ.