Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 65v

Llyfr Cyfnerth

65v

ugeint a| tal. Dỽy ulỽyd uyd yna. Odyna
hyt aỽst trugeint a| tal. kanys deudec ke  ̷+
inhaỽc a drycheif arnaỽ yna. A deudec he  ̷+
uyt a| drycheif arnaỽ pop tymhor hyt ga  ̷+
lan mei Ac yna teir blỽyd uyd. Sef a| tal
yna vn ar pymthec a phetwar ugeint.
Y dyd y dalher ugeint a dyrcheif arnaỽ.
Pan frỽynher pedeir keinhaỽc a| dodir at
yr hyn gynt. Ac yuelly hanher punt a| tal.
Amỽs a| pascer whech ỽythnos uỽch pres+
seb punt a| tal. Pedeir ar hugeint yỽ gue  ̷+
rth raỽn  amỽs or trychir y maes or
goloren. Or trychir y goloren hagen gue+
rth yr amỽs oll a| telir drostaỽ yna. A dilis
vyd yr amỽs yr neb ae hanauỽys. llygat
amỽs ae glust pedeir ar hugeint a| tal pop
vn o·honunt. Rỽnsi. wheugeint a| tal. ra  ̷+
ỽn rỽnsi ae lygat ae glust deudec keinha+
ỽc a tal pop vn o·honunt. Or lledir hagen
y myỽn y goloren y werth oll a| telir. A dilis
vyd y rỽnsi yr neb ae| prynỽys. Palfre morc