Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 65r

Llyfr Cyfnerth

65r

colli eu breint a| wnant. Oyth pynuarch
brenhin yssyd. mor. a diffeith. Ac yghena  ̷+
ỽc diatlam. A lleidyr. a marỽ·ty. Ac ebediỽ.
a dirỽy. a chamlỽrỽ.
E Neb a gnithyo dyn. talet y sarhaet yn
gyntaf. canys drychaf a gossot yỽ sar  ̷+
haet dyn. A cheinhaỽc yg kyueir pop bys
a el yn| y pen a dỽy yg kyueir y uaỽt. A che  ̷+
inhaỽc yg kyueir pop blewyn bonwyn a
tynher oe pen. A phedeir ar hugeint dros
y guallt taldrỽch. Dewisset paỽb y sarhaet
ae alanas ae ỽrth ureint y penkenedyl. Ae ỽrth
vreint y| tat. Ae ỽrth ureint y| ssỽyd.
OR pan anher ebaỽl hyt aỽst. whech
cheinhaỽc a| tal. O aỽst hyt galan rac  ̷+
uyr deudec keinhaỽc a| tal. Hyt galan whef+
raỽr. deu naỽ a| tal. Hyt galan mei pedeir ar
hugeint a| tal. Hyt galan aỽst. dec ar huge  ̷+
int a| tal. Hyt galan racuyr vn ar pymth+
ec ar hugeint a| tal. Hyt galan whefraỽr dỽy
a deugeint a| tal. A hyt galan mei ỽyth a de  ̷+