Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 61v

Llyfr Cyfnerth

61v

y gan y tayogeu. Daỽn·bỽyt y gayaf. hỽch
tri uyssic yn| y hyscỽyd. Ac yn| y hireis. Ac y+
n|y chlun. A henhorob* hallt. A thri ugein tor+
th o uara guenith or tyf guenith yno. bint*
peilleit y naỽ torth teir yr ystauell. A whech
yr neuad. kyflet ac o elin hyt ardỽrn uyd
pop torth. Os keirch uydant bit rynyon
y naỽ torth kyn teỽhet uydant trỽy na
flygant pan dalher herwyd eu hemyl. A
lloneit mid o gỽrỽf. Ac vgein yscub o ge+
irch un rỽym. A cheinhaỽc o pop rantir yr
guassanaethwyr. Daỽn·bỽyt haf yỽ eme  ̷+
nyn a| chaỽs. Sef yỽ y manat emenyn.
naỽ dyrnved llet. A dyrnued teỽhet ae ua  ̷+
ỽt yn| y seuyll. A phryt llaetheu y tayogeu
oll yn vn dyd a gynullir y wneuthur caỽs.
A hynny a telir ygyt ar bara. Ny daỽ ma  ̷+
er na chyghellaỽr na ran dofreth ar ỽr ryd.
Un weith pob blỽydyn y guetha y paỽb mynet yn
lluyd y orwlat gyt ar brenhin os myn. Ac
yna y urenhines a dyly rieingylch. Byth