Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 61r

Llyfr Cyfnerth

61r

bieu teruynu. Teir tref ar dec a dyly bot ym
pop maenaỽr. Ar tref tryded ar dec yỽ yr or+
uotref or rei hynny.
Messur guestua brenhin o pop tref yỽ
pỽn march o ulaỽt guenith ac ych a
seith dreua o geirch un rỽym. Ac a uo diga  ̷+
ỽn o uel yn vn gerỽyn Naỽ dyrnued uyd
uchet y gerỽyn pan uessurer or cleis traỽ
yr emel yma ar ỽyr. A phedeir ar hugeint
aryant. Punt yỽ guerth guestua brenhin
wheugeint yg kyueir y uara. trugeint yg
kyueir y enllyn. trugein yg kyueir y lyn.
Sef y telir uelly hagen ony rodir y bỽyt yn| y
amser nyt amgen y gayaf. Tref maeroni
neu gyghelloryaeth med a| telir o·heni. Bra+
gaỽt a| telir o tref ryd dissỽyd. Cỽrỽf a| telir
o tayoctref. Dỽy gerỽyn uragaỽt neu pede  ̷+
ir cỽrỽf a| telir dros un ued. Dỽy gerỽyn gỽ  ̷+
rỽf a| telir dros un uragaỽt. Ny thelir ary  ̷+
ant nac ebran meirch gan westua haf.
Deu daỽn·bỽyt a| daỽ yr brenhin yn| y ulỽy+
dyn.