Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 60v

Llyfr Cyfnerth

60v

dyn ran o tir gan y genedyl guedy hir alldu+
ded rodet wheugeint udunt yg gobyr gua  ̷+
rchadỽ or canhadant ran idaỽ. Y tir a| rotho
y brenhin y dyn gan iaỽn. nys attỽc y neb
ae guledycho guedy ef.
PEdeir rantir a| uyd yn| y tref y talher yr
brenhin westua o·heni. Deu naỽ tro+
etued a|uyd yn hyt gualen* hywel da. A deu+
naỽ llathen a| uyd yn hyt yr erỽ. A dỽy let.
deudec erỽ a| thrychant y honno a| uyd yn
yr rantir rỽg rỽyd a dyrys. coet a| maes. A
gulyb a sych. eithyr yr oruotref. Ac o ran  ̷+
tired hynny y gelwir amhinogyon tir yg
kyfreith. Tri gỽybydyeit yssyd am tir. he  ̷+
naduryeit gulat y ỽybot ach ac edryt ac
y dỽyn dyn ar y dylyet o tir a dayar. Eil yỽ
gỽr o pop rantir or tref honno yỽ amhino  ̷+
gyon tir y ỽybot kyfran rỽg   kene  ̷+
dyl a charant. Trydyd yỽ pan uo amrysson
rỽg dỽy tref. Meiri a chyghelloryon a righy+
lleit bieu cadỽ teruyneu. kanys brenhin