Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 60r

Llyfr Cyfnerth

60r

oll. Ar gallaỽr. Ar uỽyall gynnut. ar cỽlltyr.
cany eill tat nac eu rodi nac eu kymynnu
namyn yr mab ieuhaf. A chyt gỽystler ny
dygỽydant uyth. Odyna kymeret pop bra+
ỽt eissydyn ac ỽyth erỽ. Ar mab ieuhaf a ran
y tir. Ac o hynaf y hynaf bieu dewis.
OR gomed dyn teir guys o pleit y brenhin
am tir onyt maỽr aghen ae llud. y tir
a| rodir yr neb ae holo. Or daỽ ynteu ỽrth yr
eil wys neu ỽrth y tryded. gỽrthebet am y tir
os iaỽn idaỽ. A thalet tri buhyn camlỽrỽ yr
brenhin am omed guys. Pỽy bynhac a| tal  ̷+
ho gobyr estyn am tir. ny thal hỽnnỽ ebediỽ
gan iaỽn. Pỽy bynhac a holo tir o ach ac et  ̷+
ryt. reit yỽ y henaduryeit gulat tygu y ach
kynn guarandaỽ y haỽl. Pỽy bynhac a gyn  ̷+
halyo tir teir oes guyr yn vn wlat ar dyly+
edogyon. oes tat. a hentat. A gorhentat heb
haỽl a heb arhaỽl. heb losc ty. heb tor aradyr.
ny ỽrtheb  udunt uyth or tir hỽnnỽ. can
ry|gayỽys kyfreith yrydunt. Or keis