Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 54v

Llyfr Cyfnerth

54v

O deruyd bot amrysson am teruynu
rỽg deu dyn. A dywedut or haỽlỽr bot
o ureint idaỽ ef y dylyho teruynu. Onys am+
heu yr amdiffynỽr. Aet yr haỽlỽr y dangos
y teruyn. Os  yr amdiffynỽr ae hamheu
ynteu bit gyfreith y·rydunt am eu breint
gysseuin. Os y ureint a uernir idaỽ dangos+
set y teruyn guedy hynny.
Mab a dyly arfedaỽc drostaỽ hyny uo pedeir
blỽyd ar dec. y tat or byd byỽ. Ac ony byd
byỽ y tat. arglỽyd bieu rodi arfedaỽc idaỽ
y uot drostaỽ y ouyn iaỽn idaỽ ac y| wne  ̷+
uthur iaỽn drostaỽ.