Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 53r

Llyfr Cyfnerth

53r

tri buhyn camlỽrỽ a| telir dros pop vn or
golỽython hyn. Sef a telir dros gylleic
brenhin pan gyfrifher pop camlỽrỽ deu
vgein mu. Ny byd golỽython kyfreith  ̷+
aỽl yn hyd brenhin namyn o ỽyl giric
hyt galan gayaf. Ac ny byd kylleic bren  ̷+
hin ynteu namyn tra uo y golhỽython
kyfreithaỽl yndaỽ. Or lledir carỽ bren  ̷+
hin yn tref breyr y bore. katwet y breyr
ef yn gyuan hyt hanher dyd. Ac yna or
doant y kynydyon ranent yr hyd. mal
y mynhont. Ac ony doant y kynydyon
yna. paret y breyr bligyaỽ yr hyd. A llith+
et y cỽn or kic. A chymeret ef y cỽn ar| cro+
en ar wharthaỽr dilỽr a dyget y cỽn gan  ̷+
taỽ atref. Ac ony doant y kynydyon y
nos honno mỽynhaet ef y kic a chatwet
y croen yr kynydyon. Or lledir am han  ̷+
her dyd y karỽ. katwer yn gyuan hyt y
nos. Ac ony doant y kynydyon yna. mỽyn  ̷+
haet e breyr hỽnnỽ mal yr hỽn gynt.