Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 50v

Llyfr Cyfnerth

50v

gen lloneit y llestri y gollofyer ac ỽy yn| y llys
or cỽrỽf. Ae hanher or bragaỽt. Ar trayan
or med. Ar trydydyn a geiff Y messur hỽn  ̷+
nỽ yỽ y gof. odyna y righyll. Yn diweth  ̷+
af y keiff y trullyat. ny eill neb gof bot
yn vn gymhỽt ar gof llys heb y ganhyat.
Vn rydit yỽ ar ualu yn| y uelin ar brenhin.
Ef bieu gobreu merchet y gouein a| uỽynt
ỽrth y ohen. Gobyr merch y| gof llys bren  ̷+
hin bieu. A wheugeint yỽ y gobyr. Punt
a| hanher yỽ y chowyll. teir punt yỽ y he  ̷+
guedi. Wheugeint yỽ y* ebediỽ gof llys.
DYlyet y porthaỽr yỽ caffel y tir yn ryd.
Yn|y castell tra cheuyn y dor y byd y ty.
Ae ymborth a geiff or llys. Pren a geiff
o pop pỽn kynunt* A phren heuyt a ge  ̷+
iff a allo y tynu ae laỽ deheu o pop bene  ̷+
it trỽy na rỽystro ar gerdet yr ychen. A| ch+
yn ny allo tynu vn pren. pren eissoes
a geiff. ac nyt yr vn a dewisso. Or moch
preidin a| del yr porth hỽch a geiff ef. Ac