Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 46v

Llyfr Cyfnerth

46v

march bitwosseb y gan y brenhin. Yn rat
y guna medeginyaeth ỽrth y teulu a guyr
y llys. cany cheiff eithyr y dillat brathedic.
onyt vn or teir gueli agheuaỽl uyd. Punt
hagen a| gymer heb y ymborth neu naỽ
vgeint ae ymborth or weli agheuaỽl. nyt
amgen no phan torher pen hyny welher
yr emenhyd. Ascỽrn uch creuan pedeir ke  ̷+
inhaỽc cota a| tal. Ascỽrn is creuan pedeir| ke+
inhaỽc kyfreith a| tal. Or seinant y myỽn
kaỽc. A phan wanher yn| y arch hyny welh  ̷+
er y amyscar. A phan torher vn o| petwar 
post corf dyn hyny welher y mer. Sef rei
ynt deu uordỽyt ar deu uyryat. Teir punt
yỽ guerth pop vn  or teir gueli.
Trullyat a geiff y tir yn ryd a| march bit  ̷+
wosseb y gan y brenhin. Guiraỽt gyf  ̷+
reithaỽl a| gymer. lloneit y llestri y gollofy+
er ac| ỽynt yn| y llys or cỽrỽf. Ae hanher or
bragaỽt. Ae trayan or med.
MEdyd a geiff y tir yn ryd. A march bit  ̷+