Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 44v

Llyfr Cyfnerth

44v

pan uo iaỽn idaỽ a dewisset or anreith ei+
don. Mal yt geiff croen ych kyn trydydyd
nadolyc y gan y distein. iaỽn yỽ idaỽ kaffa  ̷+
el croyn buỽch rỽg meheuin a hanher 
medi y gantaỽ. Ony choffa ef yn erbyn y
diewed hynny ny cheiff dim.
Gvas ystauell bieu dillat y brenhin oll
eithyr y tudet y garawys. Ef a geiff y
dillat guely ae peis ae grys ae uantell ae
laỽdyr. ae eskityeu ae hossaneu. Nyt oes
le dilys yr guas ystauell yn| y neuad can ke  ̷+
idỽ ef guely y brenhin. Ae negesseu rỽg
y neuad ar ystauell a| wna. Ef a geiff march
pressỽyl y gan y brenhin. Ae tir a geiff yn
ryd. Ae ran a| geiff o aryant y guestuaeu. ef
a| tan guely y brenhin. O pop anreith a| dyc  ̷+
co y brenhin ef bieu y guarthec a| uo kyhyt
eu kyrn ac eu hysgyuarn.
Bard teulu a| geiff eidon o pop anreith
ytuo yndi gan y teulu. A| ran gỽr he  ̷+
uyt mal y pop teuluỽr. Ynteu a| gan un+