LlB Llsgr. Cotton Cleopatra A XIV – tudalen 43v
Llyfr Cyfnerth
43v
yr penkynyd dangos yr brenhin y gỽn ae
gyrn ae gynllyuaneu ae trayan or crỽyn.
Ynteu bieu trayan ran y brenhin or crỽyn.
canys ef yỽ trayanha* vn dyn. y brenhin
idaỽ. Hyt naỽuetdyd racuyr ny cheiff neb
or a holho y penkynyd atteb y gantaỽ o ̷+
nyt sỽydaỽc llys uyd. cany dyly neb or sỽ ̷+
ydogyon gohiryaỽ dadyl y| gilyd or byd ae
barnho. Y penkynyd a geiff ran deu ỽr y| gan
y kynydyon y gellgỽr* or crỽyn. A ran vn
gỽr a geiff y gan gynydyon y milgỽn. Gue ̷+
dy ranher y crỽyn rỽg y brenhin ar kyny ̷+
dyon. Aet y penkynyd ar kynydyon gan ̷+
taỽ ar dofreth ar tayogeu y brenhin. Ody ̷+
na doent at y brenhin erbyn y| nadolyc y gym ̷+
ryt eu iaỽn y gantaỽ. lle y penkynyd ar
kynydyon gantaỽ yn| y neuad yỽ y| golo ̷+
uyn nessaf gyuarỽyneb ar brenhin. llo+
neit corn o lyn a| daỽ idaỽ y| gan y brenhin.
neu y| gan y penteulu. Ac arall y gan y
vrenhines. Ar trydyd y gan y distein.
| « p 43r | p 44r » |