Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 41v

Llyfr Cyfnerth

41v

idaỽ gantunt. ran o aryant y guastrodyon
a geiff kymeint a deu ỽr. Ef heuyt a geiff
hen gyfrỽyeu y brenhin ae hen frỽyneu
a| uo y amỽs. Penguastraỽt ar guastroty+
on a| gaffant yr ebolyon guyllt a| del yr
brenhin o trayan anreith. Penguastraỽt
bieu estynu y meirch oll a| rotho y brenhin
pedeir keinhaỽc a| geiff ynteu o pop march
eithyr or tri. Yr hỽn a| rother yr effeirat
teulu. Ar vn a| rother yr ygnat llys. Ar
Vn a rother yr croessaneit. kanys rỽymaỽ
troet kebystyr hỽnnỽ a wneir ỽrth y dỽy
geill ac uelly y rodir. Penguastraỽt a ge  ̷+
iff y gan y distein lloneit y llestyr yd yfho
y brenhin. Ar eil y gan y penteulu. Ar try  ̷+
dyd y| gan y| urenhines. Ae tir a geiff yn ryd
A march bitwosseb y| gan y brenhin. A dỽ  ̷+
y ran a geiff y march or ebran. lle y pen·gu  ̷+
astraỽt ar guastrodyon gantaỽ yỽ y golof  ̷+
yn nessaf yr brenhin. Penguastraỽt bieu
rannu yr stableu ar ebraneu yr meirch
penguastraỽt ar penkynyd ar| troetaỽc
nyt eistedant ỽrth paret neuad paỽb o+
honunt a| ỽyr y le.