Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 36r

Llyfr Cyfnerth

36r

Naỽd y gostegor a differ dyn or ostec kyn+
taf hyt y diwethaf. Naỽd y canhỽyllyd
or pan enynher y| ganhỽyll gyntaf hyny
diffother y diwethaf. Naỽd y troedaỽc yỽ
or pan eistedho dan traet y brenhin hyny
el yr ystauell. Naỽd y coc yỽ or pan popo
y golỽyth kyntaf hyt pan ossotto y diwe  ̷+
thaf rac bron y brenhin ar urenhines.
Naỽd y sỽydỽr llys a weryt y dyn or pan
dechreuho rannu y bỽyt. hyt pan gaffo
y diwethaf y ran. Naỽd y medyd yỽ or
pan darmertho y| gerỽyn ued yny cudyo.
Naỽd y trullyat yỽ or pan dechreuo gua+
llaỽ y gerỽyn gyntaf hyt pan darfo. Na  ̷+
ỽd y medyc yỽ or pan el y ouỽy y claf gan
ganhat y brenhin hyt pan del yr llys dra  ̷+
cheuyn. Naỽd dryssaỽr y neuad a hebrỽg
y| dyn hyt y ureich ae wyalen parth ar
porthaỽr canys ef ae herbyn. Naỽd y
porthaỽr yỽ cadỽ y dyn hyny del y penteu  ̷+
lu trỽy y porth tu ae lety. Ac yna kerdet