Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 35v

Llyfr Cyfnerth

35v

lit a heb ragot arnaỽ. Naỽd y penteulu a
ganhebrỽg y dyn tros teruyn y kymhỽt.
Naỽd yr effeirat teulu a ganhebrỽg y
dyn hyt yr eglỽys nessaf. Naỽd y distein
a| differ y| dyn or pan safho yg guassanaeth
y brenhin hyt pan el y| dyn diwethaf y
gysgu yn| y llys. Naỽd yr hebogyd a| differ
y| dyn hyt y lle pellaf yd helhyo adar. Na+
ỽd y penkynyd a| parha hyt y clyỽher llef
y gorn. Naỽd yr ygnat llys tra paraho
dadleu or haỽl gyntaf hyt y diwethaf.
Naỽd y penguastraỽt tra paraho redec
y march goreu yn| y llys. Naỽd y guas
ystauell or pan elher y| urỽynha hyny
darfo tanu guely y brenhin. Naỽd diste  ̷+
in y urenhines yỽ or pan safho yg guas  ̷+
sanaeth y urenhines hyt pan el y| dyn
diwethaf or ystauell y gysgu. A chyffelyp
y| hynny yỽ naỽd y uorỽyn ystauell.
Naỽd y bard teulu y| dỽyn y dyn at y pen  ̷+
teulu. Kyffelyp yỽ naỽd effeirat ae gil+
yd