Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 35r

Llyfr Cyfnerth

35r

eur ac aryant breinhaỽl. Ar guarthec
a ossodir o argoel hyt yn llys dineuỽr.
Lle yr etlig yn| y neuad gyuarỽyneb ar
brenhin am y tan ac ef. Rỽg yr etlig
ar golouyn nessaf idaỽ yd eisted yr ygnat
llys. Y parth arall idaỽ yr effeirat teulu.
Guedy ynteu y penkerd. Odyna nyt oes le
dilys y neb. Holl ỽrthtrychyeit y guyr
rydyon ar kyllidusson yn llety yr etlig
y bydant. Y brenhin bieu rodi yr etlig
y holl treul yn anrydedus. Llety yr etlig
ar macỽyeit gantaỽ yn| y neuad. Y kyn+
udỽr bieu kyneu tan idaỽ. A chau y drys+
seu guedy el   yr edlig e gyscu.
Digaỽn a|d·dyly yr etlig yn| y ancỽyn heb
vessur yn| y teir gỽyl arbenhic. Bonhedic
breinhaỽl a dyly eisted ar gled y brenhin.
y parth deheu paỽb mal y mynho idaỽ.
Naỽd breinhaỽl yssyd y pop sỽydaỽc. Ac
y ereill heuyt. A gyrcho naỽd brenhines
tros teruyn gulat y canhebrygir heb er+