Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 105v

Llyfr Cyfnerth

105v

OI ar braỽdỽr a| uarn y brodyeu na uit
uỽy genhyt werth keinhaỽc no gue  ̷+
rth duỽ. na varn y kam yr guerth nam  ̷+
yn barn y iaỽn yr duỽ.
BYchan ryued kyt bo pedruster yn
llys pressenhaỽl can symudant a  ̷+
wyd mal awel eluyd. pỽy bynhac hagen
a| garho diheurỽyd a| ditraghỽydder. guas  ̷+
sanaeth iaỽn yr arglỽyd iessu grist. Yr
hỽn yssyd gogonet y tat ar mab ar yspryt
glan AmeN.
Tri lle ny dyly dyn rodi llỽ gweilyd
Vn yỽ. pont un pren heb ganllaỽ
Eil yỽ ar porth y uynwent kanys canu
y pader a dyly dyn yna rac eneit criston+
ogyon y byt. Trydyd yỽ ar drỽs yr eglỽ  ̷+
ys. kanys canu y pater a dyly dyn yna
rac bron y groc.
Pan dycker mab y genedyl o lỽ degwyr
a deugeint y mab bieu tygu y|mlaen y
genedyl kanyt kyfreithaỽl y guaran+