Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 104r

Llyfr Cyfnerth

104r

TRi dyn y telir galanas udunt ac ny
thalant ỽy dim o alanas. Arglỽyd.
kanys idaỽ y daỽ trayan kymhell pop ga  ̷+
lanas. Eil yỽ penkenedyl. kanys ỽrth y
vreint ef y telir galanas y garant. Trydyd
yỽ tat. kanys ran a| daỽ idaỽ o alanas y uab
nyt amgen no cheinhaỽc. kanyt car y
vab idaỽ. Ac ny dylyir llad vn o·honunt
o alanas. Hanher ran braỽt a| tal whaer
o alanas. Ac ny cheiff hi dim o alanas.
Tri ergyt ny diwygir y garỽ  yn
yt. Ac y ebaỽl guyllt yn yt. Ac y  gi yn yt
Tri dyn a wna gulat yn tlaỽt. Arglỽyd
deu·eiraỽc. Ac ygnat camwedaỽc. A ma  ̷+
er cuhudyat. Tri chadarn byt. Arglỽyd.
kanys maen dros iaen yỽ arglỽyd. Ac yn  ̷+
uyt. cany ellir kymhell dim ar ynuyt
namyn y ewyllis. A dyn didim. kany ellir
kymell dim lle ny bo. Tri aniueil yssyd
un werth eu llosgyrneu ac eu llygeit ac
eu heneit. llo. ac eboles tom. a chath eithyr