Breudwd Rhyddiaith Gymraeg 1300-1425
English

LlB Llsgr. Cotton Cleopatra A XIV – tudalen 102r

Llyfr Cyfnerth

102r

dadleu. ac eglỽys. kanys guys a| uyd
ar paỽb vdunt.
TEir guarthrut morỽyn yssyd.
Vn yỽ dywedỽyt* oe that ỽrthi.
mi ath| rodeis uorỽyn y ỽr. Eil yỽ erchi
idi mynet y gysgu at y gỽr. Trydyd
yỽ y guelet y bore yn kyuot y ỽrth y
gỽr. Ac o achaỽs pop vn or tri hynny
y tal y gỽr y hamwabyr y harglỽyd.
Ae chowyll ae heguedi idi hitheu. Tri
argae guaet yssyd. mynwes. A gure  ̷+
gys. perued. A guregys llaỽdỽr. Tri di  ̷+
ỽyneb gulat ac ny ellir bot hebdunt
Arglỽyd. Ac effeirat. a chyfreith. Teir
aelỽyt a| dyly guneuthur iaỽn ae gym  ̷+
ryt dros dyn ny bo arglỽyd adef idaỽ.
tat. A braỽt hynaf. A whegrỽn.
TEir notwyd kyfreithaỽl yssyd.
notwyd guenigaỽl y urenhines.
A notwyd medyc y wniaỽ y guelieu.
A notwyd y penkynyd y wniaỽ y kỽn