Breudwd Rhyddiaith Gymraeg 1300-1425
English

LlGC Llsgr. 24049 (Boston 5) – tudalen 95

Llyfr Blegywryd

95

ffo gwarant sauent ell deu ẏgẏt ỽrth
gẏureith ẏnn|ẏ llẏs hẏnnẏ teruẏnho ẏ
dadẏl oll trỽẏ varn ẏrẏdunt a|r|haỽ+
lỽr. kannẏ ellir gỽẏbot o vn fford kẏn
barn teruẏnedic. ae vn ohonunt a|vo
kẏlus. ae ell|deu. Ae nae bo kẏlus vn. Ae
na wẏs heuẏt a|vẏnho ẏ|gwarant gw+
neuthur cỽbẏl drostaỽ e|hun. A|thros
ẏr amdiffẏnnỽr. ae na|s mẏnho. Ae na
wys heuẏt ae gallo. ae na|s gallo. TRi
pheth a|dẏlẏ gwarant diball eu gwneu+
thur; vn ẏỽ; gỽrtheb ẏn diohir drostaỽ
e|hun. A|thros ẏ|da kẏnhenuss. A|thros
amdiffẏnnỽr ẏ|da. Eil ẏỽ; seuẏll ỽrth
gẏureith a|barn dros ẏr holl dadẏl trỽẏ
detrẏt gỽlat. Trẏdẏd ẏỽ; gwneuthur
cỽbẏl daros ẏr holl dadẏll val ẏ|vbarner
idaỽ. NẎ ellir gwarantu vn da kyffro
na digẏffro a|dẏccer ẏn erbẏn kẏurei+
th. nac vn gỽeithreith a|wnelher ẏn
erbẏn kẏureith. os deturẏt gỽlat
a|e hamlẏcca. Braỽdỽr hagen a|dẏlẏ
gỽẏbot a|deall trỽẏ deturẏt gwlat
ae trỽẏ gẏureith. ae ẏn erbẏn kẏfreith. ẏ
ducpỽẏt ẏ da. neu ẏ gwnaethpỽẏt