Breudwd Rhyddiaith Gymraeg 1300-1425
English

LlGC Llsgr. 24049 (Boston 5) – tudalen 88

Llyfr Blegywryd

88

nhonwẏr a|aruerwẏnt o|wironed. Ar
hẏnn a|welhelr ẏn nessaf ẏ|r wironed
teilẏgaf ẏỽ ẏ|gẏnal ẏnn|ẏ gẏureith.
O|R dẏrẏ neb wẏstẏl ẏn erbẏn braỽt
a|rotho braỽdỽr. ac a datkano heb lẏf+
ẏr kyureith kẏtrẏchaỽl; ẏ braỽdỽr bi+
eu dewis. ae rodi gỽẏstẏl ẏnn|ẏ erbẏn.
ae godef trỽẏ ẏ|gỽrthỽẏneb hỽnnỽ
dangos ẏna. neu ar oet braỽt teilẏ+
ghach ẏg|kẏureith ẏsgriuenedic. O|r
  dẏrrẏ gỽẏstẏl. ẏ neb ẏ gorffer
arnaỽ talet werth ẏ|tauaỽt. Os go+
def ef kẏn goffo ẏ|llall; nẏ|chẏll ẏ|bra+
ỽdỽr onnẏt camlỽrỽ. Ac onnẏ oruẏd
|llall; camlỽrỽ a|gẏll. N|bẏd kẏlus
neb braỽdỽr ẏr rodi a|datkanu braỽt
o aỽdurdaỽt ẏsgriuenedic. kẏnnẏ bo
iaỽn. onnẏ|s kadarnha trỽy ỽẏstẏl.
namẏn ẏr aỽdurdaỽt a|dẏlẏir ẏ|chab+
lu. O|R datkana braỽdỽr varn heb lẏ+
uẏr kẏureith. ẏnn|ẏ llẏs. ac na|s kad+
arnhao o wẏstẏl ẏn erbẏn gỽẏstẏl ẏ
llall. talet ẏ|r brenhin gamlỽrỽ. Ac
ẏsbeit a|geiff ẏ rodi ẏ varn o|newẏd ẏ+
rỽg ẏ dadleuwẏr. ac ẏ|gadarnhau
ae honno ae arall. O|R dẏrẏ braỽdỽr