Breudwd Rhyddiaith Gymraeg 1300-1425
English

LlGC Llsgr. 24049 (Boston 5) – tudalen 80

Llyfr Blegywryd

80

wreic o gẏt·letrat a|e gỽr priawt a llei+
dẏr edẏn. kẏureith a|e rẏ eithyr talu
gỽerth kẏureith ẏr edẏn o e perch+
ennaỽc am hẏnnẏ. 
O  Tri mod ẏ|telir dirwy treis Vn
ẏỽ; pan ballo reith ẏ|dẏn ẏn
gỽadu treis. Eil ẏỽ; pan ballo
ẏ amdiffẏnn ẏr amdiffẏnnỽr
ẏn erbẏn dẏn. Trẏdẏd ẏỽ; pan ballo ẏ
warant ẏ|dẏn a|e galhỽo* ẏn daldẏl treis
O tri mod ẏ kẏll dadẏl treis ẏ|breint
mỽẏhaf; o|pallu teithi treis. Ac o tẏsto+
lẏaeth vẏwawl ẏn dadẏl treis. Ac o|gỽ+
ẏnnaỽ o|haỽlỽr dỽẏn o|e eidaỽ ef ẏr|hẏn
a|ducpỽẏt ẏ|treis rac arall. ac nẏt gan+
taỽ ef. Nẏt mỽẏ hagen ẏ|reith ẏnn|
tri phỽnc hẏnn no llỽ tri dẏn. ac nẏt
mỽẏ ẏ|dial; no|their bu camlỽrỽ. onnẏ
ellir ẏ wadu ẏn gỽbẏl. neu ẏ amdiffẏn.
Vn o|tri a|gẏll ẏ neb a|treisser. Ae dẏn.
Ae tir. neu da arall kẏchwẏnaỽl. Ae ẏ
vreint. TRi rẏỽ amdiffẏnn ẏssẏd; vn
ẏỽ; na wrthepper ẏn amsseraỽl ẏ|r gof+
ẏn. Eil ẏỽ; amdiffẏnn hẏt nat attepper
vẏth ẏr haỽl. Trẏdẏt ẏỽ; amdiffẏnn
gan attep hẏt na choller dim ẏr haỽl.