Breudwd Rhyddiaith Gymraeg 1300-1425
English

LlGC Llsgr. 24049 (Boston 5) – tudalen 74

Llyfr Blegywryd

74

yn darllein llythẏrẏeu. neu ẏnn|ẏ gỽneu+
thur Tri chowollaỽc llẏs ẏssẏd; Ker+
wyn ved a brawt. A chathẏl. kẏnn|ẏ dan+
gos y r brenhin TRi dẏn a|geidỽ breint
llys yn awssen brenhin; Offeirat teulu.
A|distein. P|le|bẏnnac
y bwynt ygyt yno ẏ|bẏd breint llẏs.
Tri datssaf gỽaet ẏssẏd; gỽaet
o benn hẏt gỽll. gỽaet o|gỽll
hyt wregẏs. gỽaet o wregẏs
hyt laỽr. Ac os o|benn hẏt laỽr
y gollygir dogyn waet ẏ|gelwir hỽnnỽ.
Gwerth gwaet pob dẏn ẏỽ; pedeir ar|hug+
eint O r gwedir y gwaet kẏntaf; trỽy lỽ naỽ
nyn y gwedir yr eil gwaet; trỽẏ lỽ whe|dẏn. Y
gwedir y trydyd trwy lw tri dẏn. N|dẏlẏir na
lleihau na mwyhau gỽerth gỽaet dẏn
o bedeir ar hugeint p|gẏueir bẏnnac
o gnawt dyn y gollyger. Kẏt sẏmutter
reitheu herwyd yr argaeu. TRi hela rẏd
yssyd y bop dyn ar tir dyn arall. Hela iỽr+
ch a chatno a dyfẏrgi. TRi che+
wilyd morwyn yssyd Vn yỽ; dẏwedut o|e
that wrthi mi a th rodeis y wr Eil ẏỽ; pan el
gyntaf y wely y gwr Trydyd yỽ; pan