Breudwd Rhyddiaith Gymraeg 1300-1425
English

LlGC Llsgr. 24049 (Boston 5) – tudalen 72

Llyfr Blegywryd

72

T Eir marỽ tẏstolẏaeth ẏssẏd
am tir. ac a|ssauant ẏg|kẏ  ̷+
ureith a|barn. Vn ẏỽ; o|r kẏ+
ffroir dadẏl am|tir ẏn llẏs.
a|e theruynu ẏg|gỽẏd gwẏr y|llẏs;
gỽedẏ bo marỽ ẏ rei hẏnnẏ oll. tẏsto+
lẏaeth eu hetiuedẏon hẏt ẏ gorỽ+
ẏron. neu achwanec a|gredir am|ẏr
hẏnn a|glẏwssant ẏ|gan eu reeni o|r
dadẏl honno. A|r rei hẏnny a elwir
gwẏbẏdẏeit am|tir. Eil ẏỽ; henurẏ+
eit gỽlat ẏ|ỽẏbot ach ac eturẏt
·rỽg kenedẏl a|charant. a|dẏn a|o+
vẏnho tir trỽẏ ach ac etrẏt. a* |naỽu+
edẏd·ẏeu. kalan mei. neu galan gaẏ+
af. Trẏdẏd ẏỽ; pan welher pentann+
vaen tat ẏ|dẏn a|ovẏnho ẏ|tir. neu ẏ
hentat. neu ẏ orhentat. neu ereill
o|e genedẏl. neu le adeil ar tir ẏ|r·eeni.
Y rei hẏnnẏ oll a|ssauant ẏn lle tyst+
on idaỽ ar||dẏlẏet. TRi thorllỽẏth
vn werth ac eu mameu ẏssẏt; nac
vn a|vo na lliaỽs. o|r diygir ẏn lletrat.
Torllỽẏth gellast. A|torllỽẏth hỽch.
ar||thẏle. A nẏthlỽẏth hebaỽc.