Breudwd Rhyddiaith Gymraeg 1300-1425
English

LlGC Llsgr. 24049 (Boston 5) – tudalen 71

Llyfr Blegywryd

71

nẏt ẏmhoelant drachefẏn o tri acha+
ỽs ẏ|gossotet kẏfureith; Kyntaf yw y
geissaỽ dẏsc rac gwneuthur aghyfreith
Eil ẏỽ; ẏr gỽaret agkẏureith o r darffei
ẏ gwneuthur. Trẏdẏd ẏỽ; y|gosbi y|neb
a|wnelhei agkẏfreith trỽẏ dirỽẏ a|cha+
mlỽrỽ. a|r|kẏurẏỽ a|dẏlẏhei. 
T Ri hỽrd nẏ diwẏgir. vn ẏỽ;
hỽrd gỽrd* ac araf ẏnn|ẏ elẏn
am|ẏ gar. gỽedẏ as|gouẏnhei
ẏn tri dadleu. A|heb gaffel ia+
ỽn. Kẏt as|llatho nẏ|s diwc. Eil ẏỽ; hỽrd
gỽreic wrẏaỽc ẏnn|ẏ chẏwẏres a|e dỽẏ+
laỽ ẏnnẏ gẏfuarffỽẏnt. kẏt bo marỽ
nẏ diwgir. Trẏdẏd ẏỽ; o|r rodir tỽẏlluo+
rwẏn ẏ|ỽr. A|gỽedẏ phroui ẏ|chaffel ẏn
twẏlluorwyn. a|mach ar||morwẏnda+
ỽt. Kẏt as gwanho a|e laỽ. neu a|e|tro  ̷+
et dros ẏ|gỽelẏ ac na|s llatho nẏ|s diỽc.
Hỽrd heuẏt a wanho a bonllost ẏndi
nẏ diwẏgir idi. A|hẏnnẏ ẏỽ kẏureith
twẏlluorwẏn. TRi da nẏt reit mach
arnunt; da a|rotho arglỽẏd ẏ|dẏn. A|ch+
ẏmẏn a|gẏmero offeirat ẏ|gan ẏ|marỽ.
A|da a|gẏmero medẏc ẏ|gan ẏ|neb a|vedẏg+
inaetho.