Breudwd Rhyddiaith Gymraeg 1300-1425
English

LlGC Llsgr. 24049 (Boston 5) – tudalen 66

Llyfr Blegywryd

66

A|gỽedẏ rodi ẏn wr rẏd. Trẏdẏd ẏỽ; ẏsco+
lheic y|caffo ẏ|dẏd ẏ caffo gorun ẏn vab
taẏaỽc. A|r nos honno ẏn wr rẏd. 
T Ri gwerth kẏfreith beichogi
gwreic; vn ẏỽ; gwaet kyn
delwat. wẏth a|deugeint a
tal. o|r|collir trỽẏ greulonder.
Kẏn dẏuot eneit ẏndaỽ. o|r collir trỽẏ
greulonder; traẏan ẏ alannas a|telir
ẏmdanaỽ. Trẏdẏd ẏỽ; gỽedẏ ẏd|el ene+
it ẏndaỽ; talu cỽbẏl o|e alannas a|dy+
lẏir o|r collir trỽẏ greulonder. 
O  Tri mod ẏ|gỽedir kẏssỽẏnpl+
ant o genedẏl; vn ẏỽ. ẏ|neb
a dẏwetter ẏ|vot ẏn|tat idaỽ.
o|r bẏd bẏỽ. a|eill ẏ|wadu ar ẏ
lw e hunOnny bẏd bẏỽ ẏ tat; penkene  ̷+
dyl a seith law kenedyl ganthaỽ a|e|gỽa+
tta Onny byd pennkenedyl llw degwyr a deugeint
o r genedyl a e gwatta Ac velly mam neu genedyl mam
a dichaun dwyn y kyfuryw etiued hwnnw y genedyl gan
y odef vdunt Ny dyly brawf vot o bleit etiued kysswynn
yn erbyn gwat cwbyl o r parth arall namyn prawf a
dyly bot gan y odef o r pleit arall kannys godef
ym|pob peth a tyr pob kyghaws Os gwr+